Madaxweynaha Iran Hassan Rouhani ayaa ku eedeeyay Israel dilkii jimcihii loo gaystay Saynisyahan sare oo dhanka Nukliyeerka wuxuuna sheegay inaysan ka gaabin doonin barnaamijka Nukliyeerka ee dalka.
Hassan Rouhani ayaa sidoo kale wacad ku maray in Iran ay u aar gudi doonto dilkii loo gaystay Mohsen Fakhrizadeh.
Fakhrizadeh ayaa lagu dilay weerar gaadmo ah oo gaadhigiisa ay ku dileen niman hubaysan gudaha magaalada Absard, ee bariga caasimada Tehran.
Israel kama aysan hadlin, laakiin waxay horay ugu eedeysay inuu ka dambeeyay barnaamij qarsoodi ah oo ku saabsan hubka nukliyeerka ah.
Fakhrizadeh wuxuu ahaa saynisyahankii ugu caansanaa Iran ee cilmiga nukliyeerka, wuxuu madax ka ahaa wasaarada cilmi baarista iyo hal abuurnimada.
Dilka Seenisyahan kaan ayaa kor u sii qaadi karto xiisada ka taagan barnaamijka nukliyeerka Iran ee Mareykanka iyo xulafadiisa dhaw ee Israel.
