Madaxweynaha Dowlad Goboleedka Koonfur Galbeed Soomaaliya Cabdicasiis Xasan Maxamed Lafta-gareen ayaa Garoonka Diyaaradaha Magaalada Baydhabo kuso dhoweyey wafdi uu hogaaminayey Madaxweynaha Dowlad Goboleedka Galmudug oo Baydhabo gaaray maanta.
Magaalada Baydhabo ee caasimada kumeel gaarka u ah dowlad goboleedka Koonfur Galbeed waxaa horay u sii joogay Madaxweynaha maamulka Hirshabelle Maxamed cabdi Waare.
Isla Maaanta waxaa Magaalada Baydhabo ka furmay Shirka iskaashiga iyo wadatashiga Dowlad Goboleedyada Hirshabeele,Galmudug iyo Koonfur Galbeed.
Maalinta Bari ayaa lagu wadaa in magaalada Muqdisho ee caasimada dalka Soomaaliya lagu qabta shirka u dhaxeeyo dowlada federaalka iyo dowlad goboleedyada xubnaha ka ah dowlada dhexe sida uu shaaciyay agaasimaha warfaafinta madaxtooyada Soomaaliya.
