Guddiga Madaxabannaan ee Doorashooyinka Qaranka ayaa kulan xog-warran ah la yeeshay Ururrada Bulshada Rayidka ah. Kulanka ayaa waxaa ka soo qayb galay xubno matalayay dhamaan dalladaha Bulshada Rayidka ee dalka.
Intii uu socday kulanka ayaa waxaa lagu gorfeeyay Arrimaha doorashoyinka iyo doorka Bulshada Rayidka ah kuleeyihiin ka qayb galka doorashada lagu wada in ay dalka ka dhacda.
Guddoomiyaha Guddiga Madaxabannaan ee Doorashooyinka Qaranka Xaliima Ismaaciil ayaa warbixin dhamaystiran ka siisay Ururrada Bulshada dadaalkii Guddigu u soo maray hirgelinta howlaha doorashooyinka iyo dhamaystirka qorshaha howlgalka geedi socodka doorashada ee loogu gudbi karo hannaanka tartanka axsaabta badan ee dimuqraadiga ah.
