Waxaa isa sii taraayo kiisaska cusub ee laga xaqiijiyay dalka ee la xariira xanuunka coronaviruska waxaa maanta oo kaliya xanuunkaani laga helay 41 ruux oo 30 kamid ah ay yihiin Lab halka 10 kalana ay yihiin dhidig.
Wasiirka Caafimaadka xukuumada federaalka Soomaaliya Dr. Fowsiyo Abikar Nuur oo warbaahinta ugu warbixisay Aqbaartii ugu danbaysay ee COVID-19 ayaa sheegtay in kiisaska cusub ee maanta la xaqiijiyay ay wadarta guud ee dadka uu ku dhacay coronaviruska ay garayaan 320 xaaladood.
Wasiirka ayaa sidoo kale sheegtay in dadka u dhintay xanuunkaani ay garayaan 16 ruux, 8 ruux ay ka caafimaadeen.
Dr. Fowsiyo Abikar Nuur ayaa sheegtay in dadka ilaa iyo hadda uu soo ritay xanuunkaan ay da’dooda u badantahay 50 jir kuwaas oo ay sheegtay in ay u wehliso xanuunada chronic ah.
