Muran iyo khilaaf in badan soo jiitamaayay oo ka bilaawday Doorasha ka dhacday Magaalada Kismayo horeentii bishii Augest ee 2019-kii kadib waxaa maanta lagu dhawaaqay in ay heshiis gaareen dhinacdadii isku haayay maamulkaasi.
War-saxaafadeed kasoo baxay kulan in muddo ah u dhaxeeyay wafdi uu hoggaanimaayay madaxweynaha dowlad goboleedka Jubbaland Ahmed mohamed Islam Ahmed Madoowe iyo Golaha Isbadal doonka Jubbaland oo ka dhacay magaalada Nairobi ee caasimada dalka Kenya ayaa lagu sheegay in iyadoo loo turaayo danta dadka degan deeganada maamulka Jubbaland ay labada dhinac ka gaareen heshiis khilaafkii ka dhex jiray.
War-saxaafadeedka ayaa lagu sheegay in labada dhinac ay ku heshiiyeen in la soo dhiso xukuumad isku dhaf ah, in la qaado dagaal lagu xoreeynaayo deeganada ka maqan gacanta dowlad goboleedka Jubbaland, in la qabto kulamo dib u heshiisiineed.
Sidoo kale labada dhinac ayaa dowlada federaalka ee Soomaaliya iyo beesha caalamka ugu baaqay in ay taageeraan heshiisnaani kaalintoodana ay ka qaataan sidii lagu hergalin lahaa.
Hoos ka akhri qodobadii lagu heshiiyay iyo war-murtiyeedka arrintaas laga soo saaray.
