Kenya – qofkii ugu horeyey ee laga heley caabuqa carona virus oo bogsooday.

Kenya waxaa isasii taraayo kiisaska cusub ee dadka uu soo ridanaayo xanuunka coronavirus-ka iyadoo maanta gobala cusub laga xaqiijiyay in uu gaaray caabuqaan oo ay kamid yihiin Kakamega, Kiambu, Machakos, Nyamira, Murang’a.

Dhanka kale waxaa maanta warbaahinta dalkaasi la hadashay haweeneydii ugu horeysay ee cudurkaan COVID-19-ka ku dhaco oo lagu magacaabo Ivry Branda waxaa ayna sheegtay in markii ay booqanaysay wasaaradda caafimaadka dalkaasi aysan jirin cid ku qasabtay in ay is gayso balse ay masuuliyad iska saartay caafimaadkeeda iyo kan bulshada.

“Magacaygu waa Ivry Branda cherotich, 26-sano jir ah, waxaan ahaa ruuxii ugu horeeyay ee laga helo xanuunka CoronaViruska Kenya, haddana waan ka caafimaaday, waxaan u imid wasaaradda caafimaadka kadib markaan calaamadaha Coronaviruska isku arkay cid cadaadis igu saartayna ma jirin” ayay tiri Branda.

“haddii aad u malayso inaad qabto xanuunkaan ha cabsan, waa wax la maareyn karo lana daaweyn karo, waa wax iska caadi ah, waxaa ayna ku dhacdaa ruux kasto, malahan yaraan iyo da’ toona mana kala sooca dadka waxaad noqon kartaa cunig ama ruux da’ ah ama jinsigaad doonta, waana masuuliyadda ruux kasto oo kenyan ah waayo cidna ma ogaan karta taarikhdaada” ayay hadalkeeda sii raacisay.

Sidoo kale Guddiga doorashooyinka dalka Kenya ee magacooda loo soo gaabiya IEBC ayaa dib u dhigay doorashada soo xulista xildhibaadana afar ismaamul oo kala ah, Ismaamulka Kilifi, Kisumu, Taita Taveta iyo Kiambu ilaa amar danbo.