Waxaa isa-soo taraayo qul-qulka ay ku jiraan muhaajiriinta ka socdaalaayo Turkiga kuwaas oo kusii wajahan dalka Greece si ay halkaasi ugu gudbaan dalalka yurub kadib markii ay fasaxday dowlada Turkiga oo in badan ku goo’din jirtay in ay Yurub ku fasixi doonta qaxootiga u badan suuriyaanka ee ku xaraysnaa xaryaha barakacyaasha Turkiga.
Muqaal kooban oo ay duubta diyaarad drone ah ayaa muujinaayo muhaajiriin badan oo kusii hayaamaayo xaduudka u dhaxeeyo Greece iyo Turkiga waloow ay masuuliyiin u hadashay dowlada Greece ay sheegeen in ay xireen xaduudka uu dalkaasi la leeyahay Turkiga xili ku dhawaad 10,000 kun oo muhaajiriin ah isku dayaayeen in ay Gudbaan 24-kii saac ee la soo dhaafay.
Ku dhawaad 13,000 kun oo muhaajiriin ah oo ay kamid yihiin qoysas sita caruur ayaa iskuugu yimid xaduudka dalka Greece la leeyahay Turkiga kuwaas oo habeenadaan dhaxan iyo dabeelo ugu dayacnaa halkaasi sida ay sheegtay Ha’adda caalamiga ee Socdaalka ee magaceeda losoo gaabiyo IOM.
Dowlada Turkiga ayaa fasaxday muhaajiriintaan oo kolkii hore ku xaraysnaa kaamam barakacyaal kadib markii ay dowladaaasi ku eedeysay dowladaha xubnaha ka ah Midowga Yurub in ay jabiyeen axdi ay horey ula saxiixdeen dowlada Turkiga.
