Madaxweynaha Dowlad goboleedka Puntland Siciid Cabdullaahi Deni oo kusugan caasimada dalka Kenya ee Nairobi ayaa kulan gaar ah la qaatay Safiirka dalka Maraykanka u jooga Soomaaliya Ambassador Donald Yamamoto, saraakiil ka tirsan Safaaradda iyo masuuliyiin ka socotay Hay’adda USAID.
Danjiraha dalka Maraykanka ee Soomaaliya Mr. Donald Yamamoto iyo saraakiisha wehelinaysey ayaa Madaxweyne Deni kusoo booqday hooyg uu ka degan yahay magaalada Nairobi, waxaana ku wehelinaayey kulankaasi Madaxweynaha masuuliyiin ka tirsan Golaha Wasiirada iyo saraakiil ka tirsan Madaxtooyada Puntland.
Madaxweynaha Puntland Siciid Cabdullaahi Deni iyo Safiirka Dowladda Mareykanka ee Soomaaliya Donald Yamamoto ayaa kulankooda uga wadahadlay xaaladda guud ee Soomaaliya, arrimaha Amniga, koboca dhaqaalaha, mashaariicda horumarineed ee USAID ka waddo Puntland iyo hirgelinta mashaariic horleh.
Safiirka ayaa sidoo kale maanta kulama gaar gaar ah la qaatay qaar kamid ah madaxweynayaasha dowlad goboleedyada dalka oo kusugan Magaalada Nairobi ee caasimada dalka Kenya.
