Guddiga Farsamada Maamul u dhisidda Galmudug ayaa manta soo saaray jadwalka soo xulista xildhibaanada iyo doorashada madaxda Galmudug.
Guddiga ayaa sheegay in 25-ka bishaan ilaa 28-keeda uu socon doona Xaqiijinta Odayaasha dhaqanka dowlada goboleedka Galmudug taas oo ay xigi doonta Soo xulista Golaha Baarlamaanka Dowlad goboleedka Galmudug.
10-ka ilaa 12-ka bisha 12-aad ayay goluhu qorsheeyeen in ay howl-galiyaan Baarlamaanka cusub ee lasoo doorta taas oo ay xigi doonta Doorashada guddoonka Baarlamaanka Galmudug oo ay qorsheeyeen in ay dhacdo inta u dhaxayso 13-ka ilaa 16-ka bisha soosocota.
Ugu danbeyn Guddiga Farsamada Maamul u dhisidda Galmudug ayaa caddeeyay in 17-ka ilaa 23-ka bisha 12-aad ay dhici doonta doorashada madaxweynaha iyo madaxweyne ku-xigeenka dowlad goboleedka Galmudug.
