War Qoraal ah oo kasoo baxay Xafiiska Taliye Ku-xiggeenka Ciidanka Booliska Soomaaliyeed Sarreeye Guuto Zakiya Xuseen Axmed, ayaa lagu sheegay in laga billaabo Maanta oo ay Taariikhdu tahay 18/7/2019-ka,hareeraha Waddooyinka muhiimka ah ee Gobolka Banaadir laga mamnuucay dhigista Baabuurta.
Shaacabka Ku Dhaqan G/Banaadir Ayaa Qoraalka Lagu faray in ay feejignaan dheeri ah ka yeeshaan goobaha ay dhiganayaan Gawaaridooda, iyadoo lagu wargelinayo in Baabuurkii meel la iska dhigo ay hay’adaha amniga la wareegi doonaan.
Sidoo Kale Bulshada Gobolka Banaadir ayaa Loogu Baaqay in ay la shaqeeyaan laamaha ammaanka iyadoo la faray Bulshadu in Baabuurkii ay ka shakiyaan ku war geliyaan Ciidanka amniga , iyagoo wacaya 991.
