Ku-Simaha Madaxweynaha Dowlad goboleedka Puntland Ahna Madaxweyne ku-xigeenka maamulkaas Axmed Cilmi Cismaan Karaash iyo Wafdi uu hoggaaminayo ayaa lagu soo dhoweeyay Muqdisho, Madaxweyne ku-Xigeenka ayaa ka qeybgalaya Aaska Ra’iisal wasaarihii hore ee Soomaaliya AHUN Cali Khaliif Galayr.
Xubno isugu jira Goleyaasha kala duwan ee Dowladda Federaalka ah ee Soomaaliya, Maamulka Gobolka, Saraakiil Ciidan iyo qeybaha kala duwan ee bulshadda ayaa Madaxweyne ku-xigeen Axmed Karaash kusoo dhoweeyay Garoonka diyaaradaha ee Aadan Cabdulle Cismaan Airport ee Muqdisho.
Maydka Marxuum Cali Khalif Galler ayaa laga soo dajiyay garoonka diyaaradaha ee Adan Cabdulle waxaana lagu wadaa in lagu aaso Qabuuraha Taliska Ciidamada Cirka ee Afsiyooni ee Magaalada Muqdisho.
