Kusimaha Guddoomiyaha Gobolka Banaadir ahna Guddoomiye Kuxigeenka Maamulka iyo Maaliyadda ayaa maanta shir-guddoomiyay kulan ay isugu yimaadeen dhamaan Agaasimeyaasha Guud iyo kuwa waaxyada Dowladda Hoose ee Xamar iyo Maamulka Gobolka Banaadir, kaasi oo loogu hadlay dar-dargelinta shaqooyinka ay u hayaan shacabka Muqdisho.
Guddoomiye Kuxigeenada Arrimaha Bulshada iyo Howlaha Guud ayaa shirka goobjoog ka ahaa, iyadoona Agaasimeyaasha laooga dhageystay waxqabadka waaxyahooda iyo caqabadaha horyaala, waxa uuna Kusimaha Guddoomiyaha balan-qaaday in sare loo qaadi doono aqoonta Agaasimeyaasha si ay awood buuxda ugu lahaadaan qabashada Howlaha ay u idman yihiin.
Agaasimayaasha ayaa lagu booriyay ka shaqeynta bilic soo celinta Caasimada, dar-dargelinta Adeegyada aasaasiga ee arrimaha Bulshada sida Caafimaadka, Waxbarashada iyo dib-udhiska kaabayaasha adeega Bulshada.
