Ibraahim Dheere oo xafiiska Dowladda Hoose ee xamar ku qaabilay qoyska Allaha u naxariistee Duqii hore ee Muqdisho.

Sihayaha Guddoomiyaha Gobolka Banadir ahna Guddoomiya Ku-xigeenka maaliyada Ibraahim Cumar Mahadale ( Ibraahim Dheere) ayaa maanta xarunta Dowladda Hoose ee xamar kusoo dhaweeyey qoyska Allaha u naxariistee Duqii hore ee Muqdisho ahaana Guddoomiyaha gobolka Banaadir Shahiid Cabdiraxmaan Cumar Cusmaan (Eng. Yariisow).

Ibraahim Cumar Mahadale ( Ibraahim Dheere) ayaa sheegay in qoyska Duqii Hore ee Caasimada ay soo kala Tuseen qaybaha kala duwan ee xafiisyada Aqalka Dowladda Hoose ee Xamar iyo sida howlaha socda uu maamulku u dar-dar galinaayo.

Sihayaha Guddoomiyaha Gobolka Banadir ayaa sidoo kale sheegay in qoyska Allah u naxariistee Eng. Yariisow ay u ballan qaadeen in ay halkeeda kasii wadi doonaan dedaalkii, dhabar adaygii, shaqadii geesinimada lahayd iyo wadaninimadii uu ku sifoobey marxuum Cabdiraxmaan Cumar Cusmaan.