Waxaa Magaalada balad-xaawo ee gobolka Gedo maanta kusoo gaba-gabooway shirka wadatashiga Maamulada Degmooyinka Gobalka Gedo kaas oo laga soo saaray qodoba dhowr ah.
Qodobada laga soo saaray oo ay kamid yihiin Amniga, Dhaqaalaha, siyaasada, aarrimaha Bulshada iyo maamul wadaaga ayaa walaac looga muujiyay qul qulatooyinka Siyaasadeed ee uu wajahay dowlad goboleedka Jubbaland iyadoo war murtiyeedka lagu sheegay in maamulka gobolka Gedo uusan arrimo siyaasadeed, to dhaqaale iyo mid bulsha intaba u hoostagin maamulka uu hoggaamiyo Axmed Mohamed Islam Axmed Madoobe.
Dhanka kale shirka waxaa baaq loogu diray maalgashiyaasha caalamiga iyo kuwa gobolka kasoo jeedo oo loogu baaqay in ka faa’ideystaan qeeraadka uu Ebba ku manadeystay gobolka oo ay maal gashadaan.
Sidoo kale Warmurtiyeedka shirka wadatashiga Maamulada Degmooyinka Gobalka Gedo waxaa lagu shaaciyay in la sameeyo laba santuuq oo lagu arruuriyo dhaqalaha ka soo baxa gudaha gobolka iyo mid lagu aruuriyo kaalmooyinka bani’aadannimo si looga jawaabo marka ay dhacdo aarimo dabiici ah.
Shirka waxaa ka soo qayb galay wasiir ku xigeenka arrimaha gudaha dowlad goboleedka Jubbaland C/raxmaan Mohamed Hussen, guddoomiyaha Gobolka Gedo Cisman Nur Xaji (Macalimu),Gudoomiyaasha 7-degmo ee u ka Kooban yahey Gobolka Gedo.
